Lagu rohani Batak dikenal memiliki ikatan emosional yang kuat melalui pesan-pesan rohani serta liriknya yang sarat makna. Lagu-lagu ini kerap dijadikan untuk menanamkan nilai kehidupan, termasuk kepada Si Kecil.

Sebagai orang tua, tentu saja Bunda ingin mengenalkan hal-hal baik yang bisa membentuk karakter anak. Salah satunya bisa lewat lagu rohani yang mengandung banyak pesan moral.

Seperti yang kita ketahui, suku Batak merupakan salah satu suku besar di Indonesia yang tersebar di berbagai daerah. Selain kaya akan budaya, masyarakat Batak juga memiliki kemampuan bernyanyi yang luar biasa.

Orang Batak memang dikenal piawai dalam tarik suara. Banyak penyanyi berbakat, baik laki-laki maupun perempuan, yang berasal dari latar belakang marga Batak.

Oleh karena itu, HaiBunda telah merangkum deretan lagu rohani Batak terpopuler lengkap dengan liriknya yang bisa Bunda simak bersama Si Kecil di rumah.

Kumpulan lagu rohani Batak terpopuler dan liriknya lengkap

Dikutip dari Buku Ende HKBP oleh Pinaruar ni HKBP dan berbagai sumber, berikut kumpulan lagu penyembahan rohani Kristen yang bisa jadi referensi untuk Bunda perkenalkan kepada anak.

1. Haleluya Ari Minggu

Haleluya ari Minggu, ari na dumenggan i

Molo iba lao marpungu, dohot dongan Kristen i

Ari na sumurung i, las ni rohangki do i

Maradian do tondingku, di na jumpang Minggu i

Nasa arsak ni rohangku, hulonongkon do disi

Tu bagasan roha ni Jesus Kristus, Tuhanki

Na huula ganup ari, hutundalhon do disi

Asa tarpasarisari, au ngolu ni tondingki

Arta na ummarga i, jumpang au di Minggu i

2. Ringgas Ma Ho Tondingku

Ringgas ma ho tondingku mamuji Debatanta i
Ai diparmudumudu ho unang halupahon i
Disesa do dosamu, didaoni sahitmi,
diudut do hosamu, diburi tondimi
Huhut diapulapul roham na marsak i
Asa tung lam humibul mingot uhumNa i

Na tolhas do tu hita uhumNa na sumurung i
Dibaen holong rohaNa Di angka na porsea i
Ai ndada dilaluhon tu hita rimas i
Sai lam dipatuduhon denggan basaNa i:
Ai songon hasundutan dao sian purba i
Holang dibaen Ibana sude dosanta i

Asi roha ni ama marnida anakkonna i
Suman tusi Jahowa marnida na porsea i
Diboto do mulanta na sian tano i
Tudoshon bungabunga tudoshon bulung i
Disi ro habahaba mamintor habang jadilah
Suman tusi do jolma, sai mate do sude.

Tung asi ni rohaNa sambing do na manongtong i
Saleleng ni lelengna di tonga huriaNa i
Di surgo habangsaNa hinaliangan ni
Sude parhaladoNa na sun badia i
Na sai tongtong mamuji pasangap Tuhan i
Ho pe tondingku puji tongtong goarNa i.

3. Tuhan Jesus Siparmahan

Tuhan Jesus Siparmahan, au birubiruNa do

Jesus gok di Ho rohangku, sai ihuthononhu Ho

Sai ihuthononhu Ho, sai ihuthononhu Ho

Jesus gok di Ho rohangku, sai ihuthononhu Ho

Jumpa masa sorimago, tung pangapul Ho gogo

Ia bogasMi huida, sai ihuthononhu Ho

Sai ihuthononhu Ho, sai ihuthononhu Ho

Ia bogasMi huida, sai ihuthononku Ho

4. Di Na Mamolus Sandok Ngoluon

Di na mamolus sandok ngolu on, gok do na marsak gale
Boan sinondang tu na holom i, asa margogo muse
Bahen ma ahu parhiteanMu, pasupasuM mabaor ma i
Ale Tuhan hu patupa ma au, baen pasupasu tu dongan sude

Sai baritahon Jesus na burju, tuk manesa dosa i
Asa porsea di Jesus tutu, denggan pambaenmu disi

Ula na denggan tu halak sude, songon binaenNa tu ho
Ingot urupi luhut na gale, gabe parholong ma ho.

5. Ho Sipangolu Au

Ho sipangolu au, sai topot ma au on

Sai unang mandaodao, Ho sian rohangkon

Ro Sipangolu ro tibu, baen ma au anakMu tutu

Dohot mudarMi buri au, ias songon hapas ma au

Ias tutu, ias tutu, dohot mudarMi buri au, ias songon hapas ma au

Gogo ni mudarMi, papatar ma di au

Tondi Parngolu i, tongtong manogu au

Ro Sipangolu ro tibu, baen ma au anakMu tutu

Dohot mudarMi buri au, ias songon hapas ma au

Ias tutu, ias tutu, dohot mudarMi buri au, ias songon hapas ma au.

6. Puji Jahowa Ale Tondingku

Puji Jahowa ale tondingku puji Ibana Debatami
Tagan so suda dope bohalhu naeng pujionku basaNa i
Sitompa daging tondi pe ingkon dipuji sasude Haleluya, Haleluya

Tubu ni jolma do nang na sangap jala na mulak tu tano i
Tahitahina pe laho do monjap molo dibondut tanoman i
Ndang jolma hasonanganki Debata do haposanki Haleluya, Haleluya

Martua halak na niondingan ni Debatanta Jahowa i
Angka na hot marhaporseaon di Jesus Kristus Tuhanta i
Molo Debata donganmu ndang adong hurang tuamu Haleluya, Haleluya.

7. Aha Ma Endehononku

Aha ma endehononhu, asa pujionku Ho
Ale Tuhan Debatangku, sai urupi au gogo
Ai ndang tarpajojor ahu, asi ni rohaM di ahu
Ala ni hupuji Ho tung marribu hali do

Sai sungguli ma rohangku, mangendehon gogoMi
Dohot asi ni rohaMu, ro di habasaronMi
Ai i do dihatindangkon Tondi dohot pamatangku
Ala ni hupuji Ho tung marribu hali do

Ia godang ni dosangku dipingkiri rohangki
Longang situtu rohangku, manimbangi lambas ni
RohaMi ale Tuhanku, mida pangalaosingku
Ala ni hupuji Ho tung marribu hali do

Haholongon, habasaron Hata hangoluan i
Dohot angka haporsuhon, I do parhiteanMi
Manogihon au anakMu, masuk tu harajaonMu
Ala ni hupuji Ho tung marribu hali do

Sai patogu ma rohangku Pasangaphon goarMi
Dohot haporseaonku, asa tu gandana i
Sai pamasuk ale Tuhan, tondingki tu hangoluan
Mangendehon sangapMi salelenglelengna i

8. Sai Puji Debata

Sai puji Debata dibaen asi rohaNa
Huhut tongtong basa di nasa tinompaNa
Ria ma hita be mamuji Debata
Ai sesa do nuaeng dosanta i dibaen

Disuru Debata AnakNa Jesus Kristus
Jadi mansai arga do hita on ditobus
Diporsan Jesus i dosanta sasude
Asa mudarNa i paias hita be

Dibahen i tama pujion ni rohanta
Tuhanta Debata nang Jesus pe AnakNa
Nang pangondian i Naung ro tu hita on
Manggonti Jesus i pujion do tongtong

9. Tatap Hami On

Tatap hami on na pungu dison, Ai na naeng pujionnami

denggan ni basaM di hami, Tatap hami on na pungu dison

Togu hami on na mardosa on, Ale Jesus Tuhannami

Sai asi rohaM di hami, Togu ma tongtong na mardosa on

Sai ramoti be hami on sude, Maradophon musunami

asa unang mago hami Sai ramoti be hami on sude

10. Hupuji Holong Ni

Hupuji holong ni rohaMu O Tuhan Jesus rajangki

Tu Ho hulehon ma tondingku Ai i do pinangidoMi

Huhalupahon ma diringku Mamingkir holong ni rohaMu

Sai dilului Ho do ahu Au pe huhalungunhon Ho

Ditaiti rohaMi rohangku Dibahen i hulehon do

Dipillit Ho hian tondingku I pe hutodo Ho Tuhanku

Huhilala ingkon martuhan Ingkon mangolu au di Ho

Ndang jumpang au be hangoluan Aut unang dipatupa Ho

Sai Ho do paradiananku Sai gok di Ho nama langkangku

11. I Ma Tingki Hasonangan

I ma tingki hasonangan, molo Ho o Jesuski
Pinahusor di pingkiran, ro di asiasiMi
Molo Jesus ni luluan, holan Jesus sinangkapan
Tingki na lehet ma i, na pasonang roha i

Sai buas naeng lehononMu, Jesus asi ni rohaM
Sai girgir do topotonMu, na uasan di hataM
Gok do mual hangoluan, di bagasan Ho, o Tuhan
Jala sai dapotan do, sasude na ro tu Ho

Ala nii o Tuhannami, topot ma huriaMon
Pasupasu dohot hami, gohi rohanami on
Mauas songon si Maria, di hataM na sun badia
Baen ma hami sasude, asa tung maruli be

12. Tuhan Jesus Siparmahan

Tuhan Jesus Siparmahan, au birubiruNa do
Jesus gok di Ho rohangku, sai ihuthononhu Ho
Sai ihuthononhu Ho, sai ihuthononhu Ho
Jesus gok di Ho rohangku, sai ihuthononhu Ho

Jumpa masa sorimago, tung pangapul Ho gogo
Ia bogasMi huida, sai ihuthononhu Ho
Sai ihuthononhu Ho, sai ihuthononhu Ho
Ia bogasMi huida, sai ihuthononku Ho

Dokkon ahu suruanMu. ai hataM so magopo
Dung i Ho huhut manogu, donganhi manopot Ho
Taiti ma sude tu Ho, taiti ma sude tu Ho
Sai asi rohaM, sai togu, sahat ma sude tu Ho

13. Ria Ma Hita Sasude

Ria ma hita sasude mamuji Debata
Girgir ma parendenta be, ai i do na tama, ai i do na tama

Diungkap Debatanta i banuaginjang i
Disuru do AnakNa i Hangoluanta i Hangoluanta i

Ampuan ni AmaNa do tinadingkonNa i
Tu hasiangan on do ro tu pardangolan i, tu pardangolan i

Sitompa nasa na adong, sigomgom sasude
Ro songon i tu tano on, manaon na porsuk i, manaon na porsuk i

Dibahen i las situtu do rohangkon nuaeng,
Hujangkon Jesus i tutu, ai sonang au dibaen, ai sonang au dibaen.

Antong hamuna sasude pardosa na tungki
Sai ungkap rohamuna be manjangkon Jesus i, manjangkon Jesus i

Ringgas ma hita sasude mamuji Debata
Gogo ma taendehon be Amen Haleluya, Amen Haleluya

14. Husomba Ho Tuhan

Husomba Ho Tuhan tangihon au!
Sangkapmu ma tongtong pasaut tu au
Ajari rohangki, manghaholongi Ho
Sai lam gandai holong tu Ho.

Husomba Ho Tuhan, Tangihon au
Mandate tondingki, sungguli au
Ajari rohangki, manghaholongi Ho
Sai lam gandai holong tu Ho

15. DiadopanMu Jesus

Di adopanMu Jesus, lea tutu do diringkon

Dibaen godang ni dosangkon, di adopanMu Jesus

Di adopanMu Jesus, marsomba au huhut tungki

Lao manopoti dosangki, di adopanMu Jesus

Di adopanMu Jesus, tarsolsol bagi rohangkon

Muba ma au tu jolo on, di adopanMu Jesus

Di adopanMu Jesus, taruli au di asiMi

Tu Ho ma sahat diringki, di adopanMu Jesus

16. Hamuna Na Porsea I Sai Tomu Hamu Tuhan Jesus

Hamuna na porsea i sai tomu Tuhan Jesus i, pahehe rohamuna
Jonok do ari pesta ni saluhut huriaNa i, i ma hatutubuNa
I pe hehe ma hamuna, baen pantunna lao manjangkon na manopot hajolmaon.

Marlas ni roha situtu saluhut halak na burju lao mangihuthon Jesus
I pe pataridahon ma las ni roham di Debata sangkapNa ma patulus
Puji puji Jesus Kristus na manobus tondimuna sian hamagoanmuna

Sigati rohamuna be sai tanda dosamu sude, paringkot rohamuna
Manjangkon Sipalua i na tuat sian surgo i manggarar utangmuna
Tanda hata hangoluan na binoan ni Tuhanta na pasae sude dosanta

Ai molo so diboan ho dosam tu Jesus i na ro, ndang saut be ho malua
Tongtong ma songgop rimas ni Jahowa Debatanta i, tu ho na hum manjua
I pe sude angka dosa hinaroa ni rohamu pasesahon tu Tuhanmu

O Debata, asi rohaM tumatap hami huriaM, sai taiti rohanami
tu Jesus Kristus, AnakMi naung ro tu hajolmaon i baen hatuaonnami
Tomos, gomos baen ma hami mardalani tu na sonang Sahat tu banuaginjang

17. Raja Na Tumimbul

Raja na tumimbul Sigomgomi hami Jalo ma pujiannami
Denggan ni basaM do Pangoluhon hami Atik pe mardosa hami
Sai apoi pargogoi hami mangendehon SangapMi o Tuhan

Sai dipuji langit JadijadianMu Saluhut pambahenanMu
Parsinondang bolon Na marpamongguri Ho o Tuhan do dipuji
Bulan i Bintang pe Ho do pinujina Dohot sinondangna

Dohot do tondingku Tungkap di adopan ni habangsaMi o Tuhan
Nang sude donganku Nasa na marhosa Pujionna do Jahowa
Sai tongtong Na sintong Holan Debatanta Do sipujionta

Nasa na tumanda Tuhan Jesus Kristus Sai endehon ma goarNa
Nasa na porsea Sai ringgas patulus Na sinangkap ni Tuhanta
Sai tongtong ingot on Tongtong pujionta sogot Debatanta

18. Jesus Lehon Hatorangan

Jesus lehon hatorangan, hapistaran mangantusi hataMi

Lehon mata na marnida, dohot roha na umboto dalanMi

Asa tongtong maradophon bohiMi mardalan hami

Asa digomgomi TondiMi ma hami

Ganup ari ma ajari hami na di haotoon i dope

Asa lam porsea hami Ho sambing do hangoluannami i

Lam lumeleng lam pasolhot tu rohaM ma rohanami

Hombar tu HataM ma pangalahonami

19. Sai Solhot Tu Silangmi

Sai solhot tu silangMi, Jesus ingananku
Mual na mabaor disi, i ma inumonku
SilangMi, Tuhanki i ma pujionku
Paima sogot sahat au, i endehononku

Lao ma au tu silangMi, i haporusanku.
Sai asi ma rohaMi unang tulak ahu. SilangMi...

Domu ma tu silangMi, i ma tioponku.
Asa unang lilu au, Ho ihuthononku. SilangMi...

Laos maniop silangMi, sai paimaonku
GokkonMi tu surgo i, tu siteanonku. SilangMi...

20. Haleluya! Pinuji Ma

Haleluya Pinuji ma na sasadasa Debata
Sitompa saluhutna, ai asi ni rohaNa i
GogoNa pe tongamNa i, ingkon endehononta

Haleluya Pinuji ma na tuat sian Debata
AnakNa sasadasa na mate ala dosa i
Patupa hangoluan i, ingkon endehononta

Haleluya pinuji ma Panondang sian Debata
Sinuru tu rohanta pangapul na sumurung i
Partogi, pangajari i, ingkon endehononta

Haleluya! Di Ama i di Anak dohot Tondi i
Pujipujiannami di Ho ma hasangapon i
Ro di hamuliaon i dilehon rohanami.

21. Torop Dope Na Lilu

Torop do pe na lilu di na dao
Ginonggoman ni haholomon i
Ise na olo lao mamaritahon
Pararat barita na uli i
Pararat ma barita i sahat tu liat tano on
Ditangan ni Jesus do nasa huaso
Ibana tongtong donganmu

Tangihon ma panjouon ni Tuhanmu
Ale parangan, borhat ma hamu
Tostosi rante ni banua toru
Marhite Barita na uli i

Jesus manjou ho asa unang mago
Alusi ma jou-jouNa i
Tuhanta ro, paluahon na mago
Borhat ma ho mamaritahon i

22. O Tuhan Jesus Ho Do

O Tuhan Jesus, Ho do mamorsan, nasa dosangku nang uhum i
Mate do Ho di hau pinorsilang, sun do dibaen Ho ulaonMi
Sai Ho sambing nampuna au on, Ho huihuthon di tano on,
Ho do damengku, Ho do ngolungku, Ho hatiuron ni rohangki diholongMi

O Tuhan Jesus, tangkup tanganku, tiop gomos tongtong rohangki
Ndang boi tarrampas au, hinophopMu, sian tanganMu na gogo i
Di ragam ni parsorionki, Ho hamonangan, Ho gogongki.
Sonang rohangku, sai ingotonku, au hinophopMu na arga i di silang i

O Tuhan Jesus, Ho do ngolungku, au pinangolu ni mudarMi
Angka na loja, angka na sorat, boi maradian di lambungMi
Sai pujionku Ho, Tuhanki, ala Ho mate di silang i
Di sitaononku, parungkilonku, tangkas hubege dijouhon Ho: Hatop au ro!

23. Puji Jesus Sipalua

Puji Jesus puji Jesus Sipalua
Langit tano marolopolop ma
Haleluya puji ma Tuhan Jahowa
Tapasangap goar ni Debata
Tuhan Jesus do marmahani hita
Arianna nang bodarina pe
Puji hatindangkon ma hamuliaonNa
Taendehon sangap di Debata

Puji Jesus, puji Jesus Sipalua
Tapasangap ma Tuhan Debata
Dolok batu sihirimon ni rohanta
Dipapatar di dolok Golgota
Haleluya diapul do rohanta
Dibaen denggan basa ni Debata
Puji...

Puji Jesus, puji Jesus Sipalua
Hosianna pangiar soaram
HarajaonNa hot do ro di salelengna
Jesus Kristus anak ni Debata
Ai Ibana Raja ni angka raja
Na sun gogo gumomgom tano on
Puji...

24. Gok Las Ni Roha

Gok las ni roha do au di ngolungkon

Di ngolungkon di ngolungkon gok las ni roha

Do au di ngolungkon tongtong di rohangkon

Mauliate gok las ni roha maringan

HolongMi Tuhan di au

Mauliate gok las ni roha maringan

HolongMi Tuhan di au

Mardame jala sonang do rohangkon, di ngolungkon, di ngolungkon

Mardame jala sonang do rohangkon

Tongtong di rohangkon

25. Adong Sada Mual

Adong sada mual, tung sae uli ni. Sombu do disi uasmi
Ai manang behajorbut ni sahitmi, na malum luhut na disi
Oloi ma joujouNa i, lului mual na uli i
So pola martuhor mual i. Porsea! Di ho nama i

Ai manang tu dia mabaor mual i, denggan do pangkorhon ni i
Sumurung do tumpal sijaloon, ni na ro manahui sian i

Ai aek hangoluan do goar ni i, na dapot di Jesus do i
MudarNa na arga niusehon ni, humophop pardosa do i

Masihol do ho? Ro tahui mual i. Nang ho pe, dijou tondi i
Ai holan na ias maridi disi, tarbaen tolhas tu surgo i

26. Tuhan Jesus, Tuhan Jesus

Tuhan Jesus, Tuhan Jesus ro mulak hape
TinobusNa, TinobusNa ditogu muse
Sai marhillong nasida songon bintang sude
Sai marlinang saksak do ulosNa tahe

Dipapungu, dipapungu tinobusna i
Angka jolma pinaias ni mudarNa i.
Sai marhillong nasida songon bintang sude
Sai marlinang saksak do ulosNa tahe

Na magodang nang na metmet, tu Jesus ma ro
Tu lambungNa na di surgo, ditogu hamu
Sai marhillong nasida songon bintang sude
Sai marlinang saksak do ulosNa tahe

Nang dakdanak, nang dakdanak, haolonNa disi
Ai naung sahat, ai naung sahat, rohana tusi
Sai marhillong nasida songon bintang sude
Sai marlinang saksak do ulosNa tahe

27. Di, Dia Jesus

Di dia Jesus? Di dia dame? Di boto ho do? Di dia do? Dilambung ni Tuhanta i
Di si do hasonangan i. Marlas ni roha na disi. Marlas ni ro ha na disi

Naeng ho dapotan? Di ho ibana? Ingkon luluan, na jumpang ma!
Sai tong lului, sai tong tuktuhi! TangihononNa soaram
PasonangonNa ma roham

Ai manang ise, na ringgas roha mangalului, dapotan ma!
Asi rohaM, dosangku sesa, tu surgo au togihon ma
Tu lambung Mi, O Debata

28. Ia Aek Satetek

Ia aek santetek, na otik do i

Molo sai manetek, mangalantap i

Tano laut nang hosa, na godang do i

Molo pungu dosa, na jorbut do i

Ise do mamorsan, dosami ale?

Ise haluaan, ni tondim muse?

29. Ro Ma Tu Jesus

Ro ma tu Jesus, ro ma tibu, bege hataNa jangkon burju
Na ro do Jesus, pangolu ho, asal porsea ho
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi

Ro ma tu Jesus undukkon ma, pambahenanmu na so tama
Naeng sesaonNa do dosami, dibaen mudarNa i
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi

Ro ma tu Jesus hatop ho ro, ai so ditulak Jesus be ho
Na asi roha do Jesus i, sai pos ma rohami
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi

Ro ma tu Jesus na holong do, rohaNa i di halak na ro
Ai dipalua tondinta i, unang be mago i
Mansai las rohanta i muse, molo ias sian dosa pe
Sai ro ma hita tu surgo i, laos sonang ma disi

30. Somba Ma Jahowa

Somba ma Jahowa Debatanta, Amen Haleluya
Sigomgom langit tano on ro di isina, Amen Haleluya
Beta hita lao marsinggang tu joloNa, Amen Haleluya
Na songkal jala na badia do Jahowa, Amen Haleluya
Endehon Amen Haleluya, endehon Amen Haleluya
endehon Amen Haleluya, endehon Amen Haleluya

Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Alani denggan ni basaNa na tu hita, Amen Haleluya
Endehon Amen Haleluya, endehon Amen Haleluya
endehon Amen Haleluya, endehon Amen Haleluya

Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya
Endehon Amen Haleluya, endehon Amen Haleluya
endehon Amen Haleluya, endehon Amen Haleluya

Itulah kumpulan lagu rohani Batak yang bisa Bunda ajarkan kepada Si Kecil. Semoga penjelasannya bisa membantu, ya.

Bagi Bunda yang mau sharing soal parenting dan bisa dapat banyak giveaway, yuk join komunitas HaiBunda Squad. Daftar klik di SINI. Gratis!